Nú er komin endanlega dagsetning á surfdaginn en hann verður haldinn laugardaginn 26 júní. Dagurinn er tileinkaður þeim sem hafa ástundað námskeiðin hjá okkur í sumar og í fyrra og munum við gera okkur glaðan dag, surfa og grilla saman. Þeir sem vilja koma með geta skráð sig með því að senda póst á surf(hja)surf.is en nákvæm tímasetning mun liggja fyrir þegar nær drengur sem fer eftir veðri og sjólagi.

Í surfhorni Gúmmíbáta & Galla var verið að bæta við fullt af skemmtilegum surf vörum, svo sem vatnsheldu mp3/ipod hulstri, vatnsheldum heyrnatólum, keylocker talnalás til að geyma bíllykilinn á meðan á surfi stendur, fleiri tegundir af viðgerðarefnum fyrir bretti og galla (ma Neoprene Queen sem lagar rifinn galla á 5mín), önnur sending af þakbogum, vaxi, eyrnatöppum og hinni sívinsælu C-Mat mottu/poka og fl. fl.

Surf.is ætlar að standa fyrir fríkeypis brim og grilldegi fyrir alla sem hafa sótt námskeiðin okkar. Við tjöldum öllu til og tökum allan búnað, enda stendur til boða að skella sér í svalandi öldurnar án endurgjalds. BodyBoard brettin eru þar engin undantekning enda skemmtileg viðbót.

Við hvetjum sérstaklega þá sem hafa keypt sér búnað að láta sjá sig, því í framhaldinu munum við halda utan um nýliðahóp sem hefur kost á hóa sig saman og deila tækninni sín á milli í náinni framtíð.

Við endum svo daginn á góðu grilli í boði Surf.is. Stefnt er á miðbik júní en nánari upplýsingar verða listuð hér þegar nær dregur.

Skráningar hafa gengið vel þar sem af er komið enda höfum við bætt við brettum og göllum fyrir þetta síson. Ef þú vilt skrá þig á námskeið og komast að  í vor er best að gera það strax með því að smella á "námskeiðalinkinn" ! Einnig erum við farin að safna skráningum í fyrstu BodyBoard ferðina á Íslandi sem verður farin í maí.

Það stefnir í gott síson í vor !